Во време кога брендовите се натпреваруваат кој побрзо ќе впише „AI“ во својата стратегија, The Coca-Cola Company одамна го направи следниот чекор, практична примена, со реално влијание. Марина Трајковиќ, дел од глобалниот тим на компанијата, во рамките на фестивалот за дигитална креативност и технологии „Socialize 2025“ претстави како Coca-Cola ја позиционираше својата маркетинг иновација на самиот врв на GenAI револуцијата. Ова не е експеримент. Ова е трансформација што трае од 2022 година наваму.
Кога креативноста станува технологија
Coca-Cola беше меѓу првите глобални брендови што вградија генеративна вештачка интелигенција во маркетинг кампања од светски размер. Од креирање на слики до интерактивни NFT искуства, брендот докажа дека AI не го заменува човечкиот елемент, туку го засилува. Трајковиќ посочи дека новата улога на AI во креативниот процес не е само алатка, туку соработник. Со тоа, брендот успеа да ја претвори технологијата во емоција, а иновацијата во приказна.
AI што зборува, слуша и инспирира
Една од највпечатливите алатки што Coca-Cola ги користи се conversational AI решенијата, интелигентни интерфејси кои комуницираат со корисниците, учат од нив и стануваат дел од брендираното искуство. AI веќе не е во позадина, тој е дел од дијалогот со публиката. Креативните академии, интерните експерименти и тестирања започнати уште во 2022 година, сега се претвораат во стабилна основа за идни кампањи што ќе бидат персонализирани, визуелно динамични и културно релевантни.
Лидери во промената
Маркетингот што го води Coca-Cola денес не се темели само на кампањи, туку на постојано подобрување, промена и адаптација. „Change. Transform. Improve.“ стои како интерна мантра, но и реален пристап во секој процес. Coca-Cola не само што е препознаена од Fast Company како една од најиновативните компании во маркетинг и адвертајзинг, туку веќе го поставува стандардот за тоа како се користи вештачка интелигенција на вистински, одговорен и иновативен начин.
Во свет каде што вниманието се брои во секунди, а трендовите траат колку еден swipe, највредната и најретката валута за брендовите станува довербата. Но довербата не се гради со кампањи, се гради со доследност, автентичност и суштинско верување. Оваа моќна порака ја испорача Коста Петров, извршен директор на глобалната агенција P World, за време на неговото предавање на фестивалот за дигитална креативност и технологии „Socialize 2025“ . Неговото обраќање беше јасен повик до маркетинг професионалците: време е да престанеме да трчаме по краткотрајни алгоритамски победи и да почнеме да градиме брендови што веруваат, инспирираат и траат.
Создадете движење, а не само публика
Во ера на постојан дигитален шум, луѓето бараат значење, не содржина. Петров ги охрабри брендовите да го откријат, дефинираат и јавно застапуваат своето верување. Не се работи за слоган или убава порака, туку за онаа вистина што живее во секој аспект од брендот. Тоа верување мора да биде преточено во акција и да биде видливо во секој допир со публиката. Преку примери како Nike („Ако имаш тело, ти си спортист“) или Dove („Вистинската убавина доаѓа во многу форми“), беше нагласено дека најмоќните брендови не се тие што говорат најгласно, туку тие што се најискрени.
Моќта на платформите е ограничена без вистинска цел
И покрај огромната експанзија на кратки видеа и „social-first“ содржина, податоците се јасни: 70% од потрошувачите очекуваат брендот да се залага за нешто поголемо од самиот себе. И уште поважно, 90% од нив ја градат довербата според тоа како брендот се претставува на социјалните мрежи. Креативноста и автентичноста не се „nice to have“ тие се дел од профитната равенка. Дури 47% од растот на продажбата доаѓа токму од квалитетот на креативата, според Nielsen. Пораката е едноставна: кратката форма не значи плитка содржина, напротив, токму таму има најголема можност за длабока поврзаност.
Верувањето како конкурентска предност
Во динамична средина каде што секојдневно никнуваат нови трендови, алатки и формати, брендот што знае во што верува е секогаш чекор напред. Тоа верување станува компас, стратегиски водич за секоја кампања, секој пост и секој избор. Петров ја заврши својата презентација со силна порака: не градете бренд што следи трендови, изградете бренд што ги создава. И кога ќе престанеме да мериме успех во лајкови и прегледи, а почнеме да го мериме во влијание, автентичност и лојалност, тогаш ќе знаеме дека навистина сме ја разбрале вредноста на брендот во новата дигитална ера.
Кога креативноста ќе се спои со визија, настанува нешто многу подлабоко од обична содржина, се гради свет. Токму оваа трансформација на улогата на креаторот беше во фокусот на излагањето на Марија Мешкова, контент креаторка во Zenfluent, на фестивалот за дигитална креативност и технологии „Socialize 2025“. Преку концептот „Креатор CEO“, Мешкова ги оспори традиционалните гледишта во маркетинг-индустријата според кои креаторите се сведени на извршители на брифови. Напротив, тие стануваат носители на визијата на брендот, водечка сила што ја поврзува публиката со светови што самите ги замислуваат и ги создаваат.
Алгоритамот не е шеф
Во ерата на податоци, алгоритми и KPI-опсесии, Мешкова повика на враќање кон суштинското прашање: кој си ти како бренд и што значиш за својата публика? „Алгоритамот не ти е шеф. Идендитетот ти е.“ порача таа, потенцирајќи дека вистинската поврзаност не се гради преку следење трендови, туку преку доследно раскажување на приказната на брендот. Алгоритмите не се занемаруваат, но не смеат да бидат водилка, тие се алатка, а не компас.
Пораката што не одбива, не конвертира
Во обидот да им се допаднат на сите, многу брендови стануваат невидливи. Мешкова предупреди дека неутралната комуникација не остава впечаток „Ако твојата порака не предизвика реакција, нема ни да конвертира“, истакна таа. Според неа, вистинскиот маркетинг не се плаши од поделени мислења, напротив, токму поларизацијата укажува дека испраќате порака со јасна позиција. А само таквите пораки создаваат лојалност и долгорочно влијание.
Виралност без вредности = хаос
Една од клучните пораки во нејзиното излагање беше дека виралноста сама по себе не е цел – таа е средство, кое без јасна вредносна рамка води кон хаос. „Виралност без усогласеност е хаос.“ нагласи Мешкова. Брендовите што постигнуваат долгорочен успех се оние што имаат храброст први да зачекорат во светот што самите го изградиле. Публиката препознава визија и доследност, и токму тоа ја претвора во заедница.
Во време кога дигиталната комуникација е пребрза, а вниманието сѐ пократко, умешноста да се напише нешто што ќе биде прочитано и запомнето, станува клучна вредност. Јасмин Алиќ, еден од водечките светски гласови на LinkedIn, копирајтер со исклучителен кредибилитет и практичар со резултати што говорат сами за себе, се обрати како главен говорник на фестивалот за дигитална креативност и технологии „Socialize 2025“ со предавање што прецизно ја постави содржината во центарот на дигиталниот авторитет. Наместо совети за алгоритамот, понуди перспектива за вредноста – и потсети зошто зборовите остануваат најсилниот алат во рацете на секој што сака да биде слушнат.
LinkedIn нема содржински проблем – има проблем со автентичноста
Алиќ директно ја адресираше суштинската слабост на платформата: недостиг на автентична, моќна и вредна содржина. Поголемиот дел од објавите на LinkedIn се генерализирани, безопасни и лесно заборавливи. Пазарот е презаситен од цитати, „претприемачки совети“ и измислени приказни – што создава огромна празнина помеѓу она што се објавува и она што за публиката навистина има вредност. Таа празнина, вели тој, е шанса за сите што знаат како да пишуваат со интегритет.
Виралноста е случајност. Влијанието е вештина.
Она што го издвојува Јасмин Алиќ од остатокот не се бројките – иако тие се импресивни – туку неговата методологија. Принципот е едноставен, но длабоко ефективен: „Don’t write to many. Write to one – as if they’re worth a million.“ Пишувањето не е масовна комуникација. Тоа е интимен акт на разбирање. Кога ќе ја прифатиш таа перспектива, содржината престанува да биде објава – и станува врска. Токму тоа е точката каде што зборовите престануваат да информираат и почнуваат да трансформираат.
Од „објава со reach“ до „глас со релевантност“
Алиќ ги охрабри маркетерите и брендовите да престанат да го користат LinkedIn како еднострана говорница. Наместо да праќаат пораки што никој не ги чита, треба да создаваат содржина што привлекува, не со трикови, туку со доверба. „Stop asking. Start attracting.“ беше пораката што го дефинира неговиот пристап. Да се биде следен денес не значи само да се биде видлив, туку да се биде препознаен како релевантен извор на вредност.
Систем, не инспирација – стратегија, не интуиција
Пишувањето со влијание не е случајност. Тоа е систем. Алиќ го подели својот framework базиран на hook & rehook динамика, моќта на првите три реда и психолошките тригери што задржуваат внимание. Преку практични примери и лични искуства, покажа како содржината може да се дизајнира така што читателот не само што ќе ја погледне – туку и ќе остане со неа. Тоа не е copywriting. Тоа е влијание преку стратегија. Алиќ ја сподели и својата омилена алатка „AuthoredUp“ која на професионалците им овозможува да го усовршат секој елемент од својот LinkedIn настап.
LinkedIn како најмоќниот медиум за бренд гласови во B2B светот
Завршната поента беше кристално јасна: LinkedIn повеќе не е платформа за професионални биографии, туку медиум што ги обликува лидерите на индустријата. За маркетери, бренд архитекти, комуникациски директори и content стратези – ова предавање беше сигнал за промена. Ако не го користите LinkedIn стратешки, го губите најмоќниот органски канал на денешницата. А ако не знаете како да пишувате, не може да очекувате некој да ве следи. Како што Алиќ рече: влијанието не почнува со reach, туку со збор.
Креативноста може да привлече внимание, но само податоците ја откриваат вистинската моќ. Огнен Огненовски, основач и извршен директор на BiznisMreza.mk и долгогодишен аналитичар на корпоративните движења, ја отвори конференциската програма на фестивалот за дигитална креативност и технологии „Socialize 2025“ и понуди уникатен преглед врз македонската агенциска сцена, поткрепен со конкретни податоци, прецизни анализи и остри согледувања.
Агенции со раст и оние што исчезнуваат Од бројот на новоосновани компании до стапката на преживување, Огненовски ја откри динамиката што стои зад сјајот на маркетинг индустријата. Презентацијата покажа дека зад секоја кампања стои бизнис структура што мора да биде флексибилна, солвентна и стратешки позиционирана. Податоците за згаснати агенции беа потсетник дека креативноста без менаџмент не е одржлива.
Каде е силата по градови и по сопственост Интересно откритие беше територијалната распределба на агенциите, како и структурата по сопственост. Доминираат агенции од Скопје, но втората маркетинг ера полека се шири надвор од главниот град. Презентацијата го отвори прашањето: Дали пазарот е навистина конкурентен, или централизираниот пристап сѐ уште доминира во креативната економија?
Топ 10 со реален импакт и плата што ја следи продуктивноста Листите на ТОП 10 агенции според приходи, добивка и број на вработени беа најочекуваниот сегмент – и најсподелуван дел од презентацијата. Вредноста не се мери само во кампањи, туку и во нето плата, наплата на побарувања и долгорочна бонитетна оцена. Како што Огненовски рече: „Податоците зборуваат, вие одлучувате.“ А маркетинг професионалците што беа присутни, сигурно излегоа од салата со многу идеи и уште повеќе прашања.
Анализата беше важен сигнал: време е агенциите да се гледаат не само како креативни партнери, туку како сериозни бизнис ентитети со мерлив импакт.
Патот од индивидуален фриленсер до основач на успешна агенција со јасна ниша и стратешка насока не е секогаш драматичен, но бара внимателна и храбра одлука, како и јасна визија. Милан Савов, основач на SmartClick, го направи токму тој чекор – со фокус на раст, вредност и квалитет, без преголема драма. Денес, неговата агенција работи со B2B SaaS компании ширум светот, применувајќи прецизна SEO стратегија и со јасно дефиниран идеален клиент.
Во разговорот за првото издание на Socialize, Савов зборува за важноста на продажбата како нов начин на размислување, за улогата на фокусот во градењето експертиза и за тоа што значи кога агенцијата станува и сопствен клиент. Ова интервју нуди искрен увид во претприемачкиот премин што сè уште го задржува суштинскиот фриленсерски дух, надграден со тим, структура и резултати што носат препознатливост на глобално ниво.
1. Како настана идејата за SmartClick?
Сè започна додека работев како фриленсер. Имав многу работа, не можев да постигнам, а во мене веќе тлееше претприемачкиот дух – идејата да направам тим и да опслужиме повеќе клиенти.
Во тој период, еден од клиентите имаше многу повеќе задачи од тоа што јас сам можев да ги завршам. Тој ми предложи да отворам компанија, за да му ги покријам сите барања и да може полесно да ме плаќа.
Така решив – ќе земам уште еден човек со мене и ќе стартуваме. Така настана SmartClick.
2. Што беше најтешкиот mindset shift од фриленсер во претприемач?
Продажбата. Како фриленсер, клиентите сами ме наоѓаа. Профил, рејтинг, портфолио – и работата доаѓаше. Но кога отворив агенција, сè се смени. Сега јас требаше да ги носам клиентите.
Требаше време да сфатам дека продажбата не е наметнување. Преку настани, запознавања, разговори – разбрав дека продажбата значи само: дали можам да ти помогнам? Ако можам – супер, ако не – не форсираме.
И најважно – кога имаш тим што испорачува квалитет, клиентите не само што остануваат, туку и те препорачуваат.
3. Колку е важно да си најдеш свој niche и да не работиш сè за секого?
Пресудно е. Ако работиш сè за секого – не си експерт. А кога не си експерт, не можеш да наплатиш колку што вредиш.
Кога најдовме кој е нашиот идеален клиент – B2B SaaS компании – сè си дојде на место. Знаеш на кои настани да одиш, со кого да зборуваш, кои проблеми ги решаваш, и кому помагаш. И целиот тим се структуира така што можеме најдобро да им служиме токму на тие клиенти.
4. Што значи кога си сам на себе клиент?
Тоа значи дека секогаш си последен на листа. Секогаш нешто итно излегува за клиентите, а твојот вебсајт, твоите KPIs, твојата стратегија – чекаат. Ние три пати го правевме вебсајтот, па го паузиравме. Додека не решивме да си бидеме самите себе клиент: со неделни состаноци, KPI, внатрешни репорти. Само така, конечно, го завршивме и објавивме новиот вебсајт.
5. Каде го гледаш SEO-то во SaaS индустријата? И кога треба да се вклучи?
SEO е стратешки потег, и најдобро е кога се планира од самиот почеток.
Кога таргетираш зборови што луѓето свесно ги пребаруваат – резултатите доаѓаат.
Ние секогаш работиме со стратегија што ги покрива трите фази на buyer journey:
луѓе што се едуцираат и истражуваат,
луѓе што споредуваат решенија,
и тие што се спремни да купат.
Ако SEO е поставен правилно – ќе донесе traffic и посети , но и клиенти.
Кога јасната стратегија, познавањето на пазарот и искрената комуникација со публиката се во хармонија, резултатот не е само видливост, туку присутност што се памети. За Пивара Скопје дигиталниот маркетинг не е само еден од каналите, туку суштински дел од секојдневното работење. Зад успешните дигитални кампањи стои тим што со внимание и одговорност ја јакне позицијата на брендови кои градат доверба и оставaт траен впечаток.
Во интервјуто за првото издание на Socialize, Катерина Теовска, маркетинг директорка на Пивара Скопје, открива како компанијата пристапува кон дигиталниот маркетинг. Говори за користењето на податоци, вештачката интелигенција, автентичниот тон на комуникација и важноста од вистинско разбирање на потрошувачите.
1. Пивара Скопје е препознатлива по моќни брендови и автентична комуникација. Каква улога игра дигиталниот маркетинг во целокупната стратегија на компанијата, особено во контекст на FMCG индустријата што постојано се менува?
Да бидеме искрени – ако еден бренд или компанија денес не користи дигитален маркетинг, ако нема јасно присуство онлајн, тоа е исто како да шепотите во преполн бучен стадион и да се надевате дека некој ќе ве слушне. Па така користењето на сите алатки што ги нуди дигиталниот маркетинг не е опционален, за нас тој е суштински. Тоа е моторот што го движи начинот на кој остануваме во директна комункација со нашите консументи, нудиме релевантни содржини за поврзување со нашите брендови и целосно сме интегрирани во комуникацијата низ сите точки на интерес, задржувајќи го вниманието на консументот во сфера каде тоа е краткорочно, а изборот е бесконечен. Дигиталниот маркетинг е интегриран во целокупна стратегија на Пивара Скопје – не како спореден канал, туку како основен двигател на раст, иновирање и поврзување со консументите.
Пивара Скопје со своето 24/7 портфолио се активира низ сите, за нас релеванти, дигитални канали и социјалните мрежи, преку креативни дигитал-кампањи, соработка со инфлуенсери и креирање содржини што ги следи трендовите – сè со цел да ги задоволиме потребите на потрошувачите за интеракција со нашите брендови каде и да сè и во секој дел од денот. Секој канал игра своја улога во раскажувањето на нашата приказна, градењето лојалност и поттикнувањето на интеракција со нашите производи, а секој бренд “зборува“ на својот автентичен јазик.
Што е она што не прави различни? Во Пивара Скопје сè што правиме е „data driven“. Не сакаме да претпоставуваме што функционира туку одлуките за тоа како и каде ќе се позиционираме ги носиме врз база на сите податоци добиени од користењето на ралични извори на податоци, вклучуваќи ги и дигиталните алатки. Истовремено постојано учиме, ги оптимизираме процесите и се прилагодуваме.
Во една реченица кажано, дигиталниот маркетинг ни овозможува да бидеме компанија со брендови кои не само се консумираат туку и се доживуваат. Бидејќи на крајот на денот, ние не продаваме само пијалаци, ние “продаваме“ и споделуваме моменти, расположенија и спомени.
Она што нè прави различни е тоа што навистина слушаме. Ние не ги следиме само трендовите, ние ги следиме нашите консументи – нивните навики, потреби, нивните желби во 10 часот наутро или 10 часот навечер – и брзо се прилагодуваме. Тоа е нашата предност. И ако можеме да натераме некого да се насмевне, преку нашата комуникација, и истата да го натера да не избере, да не проба, да се напие голтка доживување и да се врати повторно за уште – тогаш знаеме дека сме на правиот пат.
2. Во рамките на фестивалот за дигитална креативност и технологии „Socialize 2025“, Марина Трајковиќ од The Coca-Cola Company говореше за улогата на вештачката интелигенција во поттикнување емоции преку креативни кампањи. Дали и како Пивара Скопје гледа на интеграцијата на AI во локалниот маркетинг-контекст?
За мене лично, но и за нашата компанија, вештачката интелигенција не е само buzzword – таа е вистинска предност кога се користи со јасни правила. Во Пивара Скопје секој вработен има пристап до најмодерните дигитални алатки, но и јасни насоки и препораки за да можеме одговорно и ефикасно да ја користиме вештачката интелигенција во нашата секојдневна работа. Тоа ни помага да работиме поефикасно, да донесуваме попаметни одлуки и да отвораме нови креативни можности кои ни ја олеснуваат работата.
Од аспект на AI во маркетинг комуникација, една кампања на која сум особено горда е “Just add Coke”, која The Coca Cola компанијата ја реализираше специјално за нашиот пазар. Со помош на вештачката интелигенција, во навидум обични моменти со додавање на зборот Coca – Cola, се доби вистинскиот ефект на нашиот сакан бренд и сликите оживуваат, добиваат боја, енергија, игривост и на еден начин, преку едноставна употреба на AI, се демонстрира ефектот кој брендот го има. Оваа кампања ги спои креативноста и технологијата на начин што навистина резонираше кај консументите, и не само што беше признаена како иновативна, туку е и наградувана на повеќе фестивали. Ова е одличен пример за тоа како, кога вештачката интелигенција се користи на правилен начин и кога ќе се спои со креативност можете да постигнете супер резултати.
Вака погледнато верувам дека вистинската моќ на вештачката интелигенција лежи во тоа добро да се комбинира со човечката креативност, емпатијата и стратешкото размислување. При тоа не станува збор за замена на луѓето – туку како да им дадеме алатки со кои ќе ја поттикнеме нивната креативност и ефикасност и така да градиме култура што поттикнува иновации.
3. Кои нови дигитални алатки, платформи или технологии сметате дека ќе имаат најголемо влијание врз FMCG маркетингот во наредниот период – и како Пивара се позиционира во однос на тие промени?
Гледаме дека Вештачка интелегенција навлегува сè повеќе во FMCG индустријата и тоа само ќе се зголемува, особено во делот на креирање персонализирани искуства за консументите/потрошувачите преку различни дигитални алатки. Технологиите како персонализација водена од вештачка интелигенција, предвидлива аналитика, смарт кампањи со користење на QR кодови и NFC и платформи како AR/VR ќе го редефинираат начинот на кој брендовите комуницираат со потрошувачите.
Во Пивара Скопје, не само што ги следиме овие трендови туку во нив гледаме можности да им се приближиме и поврземе со потрошувачите на паметен и персонализиран начин. Нашата цел е едноставна: да останеме чекор пред другите, да предводиме напред со иновации и да продолжиме да им испорачуваме вредност на консументите, во секое време, на кое било место.
Ние ги комбинираме податоците, креативноста и технологијата за да изградиме маркетинг кој не е само ефикасен, туку и подготвен за иднината. И тоа, за мене лично, е многу важно и мотивирачки – да се биде дел од компанија која не само што се прилагодува на промените, туку помага и во нивното обликување.
4. Кога се работи за комуникација на социјални медиуми – што ви е приоритет: оригиналноста на содржината, аналитиката или брзиот одговор на публиката? Како тие приоритети се менуваат низ различни брендови во вашето портфолио?
Ако социјалните медиуми беа коктел, би рекла дека се работи за еден дел оригиналност, еден дел аналитика и малку “брз одговор“ и сето тоа “протресено, а не измешано“ 😊.
Лично, прво се потпирам на оригиналноста – бидејќи ако содржината не го ви го привлече вниманието ништо друго не е важно. Но, исто така, сметам дека аналитиката е многу важен сегмент бидејќи ни дава реална слика за тоа што “проаѓа“ и каде треба да направиме промена или да се прилагодиме. И секако, брзиот одговор на публиката е клучен – особено кога работите со силни брендови како нашите. Луѓето сакаат двонасочна комуникација и сакаат да се чувствуваат дека се слушнати и дека сте тука за нив.
Од друга страна, како што кажав, секој бренд од нашето разновидно и богато портфолио “зборува“ на својот автентичен јазик и пораките се прилагодени кон публиката на која и се обраќаме. Бидејќи сè лежи во познавањето на вашата публика и пронаоѓање на добар баланс меѓу брендот и моментот што го споделувате. И искрено, тоа е она што ја прави комуникацијата на социјалните медиуми креативна и забавна. Буквално, секоја објава е шанса за тестирање, учење и поврзување со консументите. А кога ќе ја добиете добар фидбек е тогаш се случува магијата.
5.Колку е важно да се има автентичен тон на комуникација, особено за брендови како Скопско, кој има силна емоционална поврзаност со публиката? Како тоа го пренесувате дигитално?
Автентичноста не е важна само за бренд како „Скопско“ – таа е сè за било кој бренд. Кога брендот има длабоки корени и емоционално значење за својата публика, односно консументите, како “Скопско”, тонот на комуникацијата мора да го одразува тоа наследство со силна доза на искреност, топлина и почит. Луѓето кои го сакаат „Скопско“ се поврзуваат со него на многу интимно ниво. Тоа е дел од нивните животни приказни, нивните прослави, нивните секојдневни моменти. И таквиот однос не може да се лажира и дефинитивно не може да се наметне.
6. Дигиталниот пејзаж во Македонија е специфичен – ограничен пазар, но високи очекувања од брендовите. Кои се вашите главни предизвици, но и можности, кога креирате дигитална кампања за домашната публика?
Да точно, дигиталниот пејзаж во Македонија е навистина уникатен – мал по големина, но голем по очекувања. Еден од главните предизвици е во колкава мера и на кој начин треба да ве има во дигиталниот свет, бидејќи on-line, секој впечаток не само што е важен, туку е и за секогаш и има малку простор за грешка. Особено кога работите со големи и познати брендови какви што се сите во портфолиото на Пивара Скопје. Инвестирање во дигитален маркетинг е инвестиција во иднината, и ние тоа го препознаваме и секоја година се повеќе и повеќе инвестираме во дигитален маркетинг користејќи ги сите алатки кои се логични и достапни, притоа водејќи се согласно правила и принципи на работа како глобални, така и локално се релевантни. Особено помладата публика, со која сакаме да се доближиме е дигитално вешта, и сето ова од една страна ни создава притисок да бидеме пофокусирани, поефикасни, побрзи и поснаодливи во начинот на кој ги планираме и спроведуваме кампањите, односно да постигнеме поголемо влијание и досег со паметни и ефикасни стратегии. Но, од друга страна тука лежи и можноста. Тоа што пазарот е мал ни дава шанса да бидеме поагилни и брзо да тестираме идеи и да создаваме комуникација која се доживува како лична, локално релевантна и со која може лесно да се поврзете.
Финансискиот сектор долго време беше поврзуван со конзервативност и формалност, но денес тоа се менува благодарение на новите очекувања на клиентите кои бараат повеќе од класичната услуга. Во Халкбанк, дигиталниот маркетинг не се гледа само како промотивен канал, туку како важен инструмент за создавање значајни кориснички искуства и градење доверба.
Во интервјуто за Socialize, Маја Наумовска Савеска, директорка за корпоративни и маркетинг комуникации, зборува за современите трендови, значењето на креативноста во банкарскиот сектор и како преку иновации и човечки пристап Халкбанк ја зацврстува својата позиција на пазарот.
1.Финансискиот сектор традиционално важеше за поконзервативен во однос на креативноста, но Халкбанк тоа успешно го менува. Како ја дефинирате улогата на дигиталниот маркетинг и дизајнот во градењето на современ банкарски бренд?
Финансискиот сектор навистина долго време беше перцепиран како поконзервативен, со фокус на сигурност, стабилност и формалност. Но, сега очекувањата на клиентите се значително променети, тие бараат повеќе од банка. Тие бараат човечки пристап, иновации, интеракција и релевантна комуникација преку дигиталните канали што ги користат секојдневно. Во тој контекст, улогата на дигиталниот маркетинг и дизајнот станува суштинска за градењето на еден современ банкарски бренд.
Во Халкбанк, дигиталниот маркетинг не го гледаме само како алатка за промоција, туку како канал за градење вредности, поврзување со заедницата и креирање значајни кориснички искуства. Стремиме кон тоа комуникацијата со клиентите да биде не само визуелно привлечна, туку и персонализирана, едукативна и инспиративна. Дизајнот, било да е тоа визуелен, функционален или кориснички, игра клучна улога во тоа нашите пораките да бидат јасни, блиски и разбирани од сите генерации.
Преку современи кампањи, како и преку уникатни содржини на социјалните медиуми, Халкбанк успева да се издвои како бренд што е отворен, достапен и иновативен, а употребата на најразлични дигитални алатки го прави нашето присуство во дигиталниот простор не само функционално, туку и емоционално поврзано со корисниците.
2.Кои се најзначајните маркетинг трендови за 2025 година според Вас и како ХалкБанк ги имплементира во својата стратегија? Дали македонските брендови може толку брзо да иновираат како што тоа го диктираат светските трендови?
Маркетингот денес е поле што се менува со голема брзина, а 2025 година веќе носи неколку јасно изразени глобални трендови кои бараат брза адаптација и подготвеност за иновации. Еден од најзначајните трендови е хиперперсонализација, односно користењето на податоци за длабинско разбирање на однесувањето на потрошувачите и создавање персонализирани содржини и понуди. Преку нашите канали, Халкбанк веќе го применува овој тренд со таргетирани кампањи, сегментирана комуникација и оптимизирано клиентско искуство.
Исто така меѓу трендовите е и интеграцијата на едукативен и забавен пристап бидејќи потрошувачите, особено младите, бараат содржина што е и информативна и интерактивна. На пример, нашиот потдкаст „PenZy vs GenZy“, како и видеата со Халки и анимираните серии поврзани со финансиска писменост, се токму во таа насока на спој на едукација и креативен дигитален наратив.
Еднакво важно ни е и да се водиме и како општествено одговорна банка. И иако одговорниот пристап на компаниите се смета за еден од трендовите, ние како банка го практикуваме како еден од основните принципи во комуникацијата. Сите проекти за заштита на животната средина, поддршка за жени претприемачи, поддршка на стартап заедницата, на културата, спортот, младите, уметноста…се клучен дел од нашата комуникација со општеството.
Кратките видеа се уште еден тренд кој е практичен исто колку што е корисен. А вистинскиот предизвик тука за нас е да успееме да ги презентираме сите услови и бенефити за помалку од минута.
На прашањето дали македонските брендови можат да следат светски трендови , одговорот е да, но преку прилагодување на глобалните трендови во рамки на локалниот контекст, култура и ресурси.
3.На фестивалот за дигитална креативност и технологии „Socialize 2025“, Халкбанк освои три награди – за дигитален дизајн, маркетинг видео и креативна кампања на социјални медиуми. Што значат овие признанија за вашиот тим и како ја одразуваат вашата маркетинг-филозофија?
Освојувањето на три значајни награди на фестивалот за дигитална креативност и технологии „Socialize 2025“ е големо признание за Халкбанк и силна потврда за нашата посветеност кон иновации, дигитална трансформација и креативност. Наградите за Дигитален дизајн на годината, Најдобро кратко маркетинг видео и Најкреативна кампања на социјални медиуми не се само резултат на успешни проекти, туку и одраз на нашата долгорочна стратегија и маркетинг-филозофија.
Наградата за дигитален дизајн на годината ја добивме за мобилната апликација Halk EZ, развиена во соработка со Effectiva. Ова признание ни е особено драго бидејќи ја нагласува нашата посветеност кон развој на проекти и бренд комуникација преку креативни дизајни кои осткокнуваат од секојдневните, кои имаат навистина уметничка вредност и се создадени во функција на блиска комуникација со таргет публиката.
Најдоброто кратко маркетинг видео е доделено за кампањата Fidesmo Pay, во која со креативна поддршка од актерот Сашко Коцев на иновативен и хумористичен начин го доближуваме концептот на иновативен начин на плаќање преку паметни уреди. Со ова видео сакавме да покажеме дека дигиталните решенија не мора да бидат комплицирани, туку напротив, може да бидат и забавни и лесни за користење. Позитивниот одзив со десетици илјади прегледи и стотици нови премиум корисници во рок од само еден месец, само ја потврди релевантноста на пристапот.
Најкреативната кампања на социјални медиуми беше признание за нашиот Start-Up Package, кој го реализиравме во соработка со агенцијата McCann Skopje. Кампањата беше насочена кон млади претприемачи и стартап основачи, и преку свежа, динамична и визуелно привлечна комуникација ја пренесе пораката дека Халкбанк е вистински партнер во првите и најважни чекори на секој бизнис. Секоја содржина беше внимателно прилагодена на каналот, со јасна порака и фокус на реални предизвици на новите бизниси.
Овие награди го зацврстуваат нашето убедување дека маркетингот во банкарството не мора да биде ограничен со класични формати и сериозен тон. Напротив, тој треба да биде жив, динамичен и храбар, токму онаков каков што се обидуваме да го градиме за нашиот бренд.
Инаку, во маркетингот, најголемата награда секогаш е довербата и позитивните коментари на клиентите. Но ваквите професионални признанија се силен показател дека сме на вистинскиот пат и дека знаеме како да бидеме и релевантни и оригинални во еден динамичен и конкурентен медиумски простор.
4.Кампањата „Start-Up Package“ освои награда за најкреативна кампања на социјалните медиуми. Што беше клучот за нејзиниот успех – идејата, формата или таргетирањето? Како се решивте на таков храбар потег комуникациски?
Кампањата „Start-Up Package“ беше една од оние комуникации што уште од самиот почеток знаевме дека ќе биде различна, и по пристап, и по тон, и по енергија. Клучот за нејзиниот успех беше всушност спојот на неколку елементи: јасна и релевантна идеја, свежа и несекојдневна визуелна форма, и прецизно таргетирање на вистинската публика – младите претприемачи кои денес се многу повеќе од класични деловни луѓе, тие се визионери, креираат нови пазари, работат од co-working простори и размислуваат глобално.
Основната идеја беше да покажеме дека Халкбанк е банка која ги разбира предизвиците на стартапите од првиот чекор, па сè до нивниот раст. Но, за да ја пренесеме оваа порака, решивме да го смениме традиционалниот пристап и да креираме комуникација која ќе биде и визуелно смела, и содржински блиска, и стилски инспирирана од стартап културата.
Храбриот потег дојде токму од одлуката да зборуваме со стартап заедницата на нивен јазик, без стереотипи, без банкарски жаргон, туку со едноставни и искрени пораки. Нè инспирираа нивната храброст, иновациите и отвореноста кон нови решенија и сакавме и ние да покажеме иста таква храброст во комуникацијата.
Кампањата постигна одличен ангажман на социјалните мрежи, и тоа не само преку бројки, туку и преку искрени реакции и интерес од целната група. Таа е уште една потврда дека автентичноста и доброто разбирање на публиката се најсилната алатка во секој современ маркетинг.
5. Каква улога игра општествената одговорност (CSR) во вашите кампањи и кои се најзначајните иницијативи во оваа област? Како успевате да управувате со паралелни проекти и активности, а да се задржите на визијата и вредностите на брендот?
За Халкбанк, општествената одговорност не е паралелна активност, туку суштински дел од тоа што сме како бренд. Нашата визија е да бидеме банка што расте заедно со заедницата – не само финансиски, туку и општествено, еколошки и културно. Токму затоа, ОО е интегрирана речиси во сите аспекти од нашите комуникации и маркетинг активности , не како обврска, туку како вредност што ја живееме.
Нашиот пристап кон ОО вклучува поддршка од еколошки иницијативи, поддршка на младите и претприемачите, до проекти за финансиска едукација, инклузивност, поддршка за културата, спорттот и унапредување на заедницата.
Наша најпрепознатлива иницијатива секако е онаа поврзана со зелената агенда која веќе со години ја реализираме преку нашата платформа ХалкЕко. Таа вклучува како поддршка на спортски настани и еколошки иницијативи, но уште повеќе наши конкретни активности кои вклучуваат инвестирање во сериозно зголемување на шумскиот фонд, организирање на еко спортски настан “ХалкЕко Вело Грин“, обнова на инфраструктура, како реновирањето на мостовите во Граскиот парк во Скопје, изградба на детски еко катчиња, еко автобуски постојки и многу други активности. Наша најамбициозна иницијатива во овој поглед е „Милион садници за пет години“ која ја започнавме лани и со која ќе дадеме навистина сериозен придонес во зголемувањето на шумскиот фонд во земјата.
Од многубројните активности би ја споменала и поддршка за женско претприемништво каде преку медиумски проекти, видео-портрети и партнерства со здруженија, ги охрабруваме жените да започнат или прошират бизнис, нудејќи истовремено банкарски решенија и платформи за видливост.
Што се однесува до управувањето со повеќе проекти истовремено, тоа навистина е предизвик, но клучот е во јасната стратегија и силните вредности на брендот кои ни се компас.
Работиме преку силна интерна координација, доверба во партнерите и во тим кој има слобода да размислува креативно, но и одговорно. Сакаме да бидеме доследни и во визуелниот стил, и во пораките, и во односот кон публиката. Токму затоа, и кога се случуваат паралелни активности, тие делуваат како дел од ист наратив на банка што е тука за доброто на поединецот, на заедницата и на околината.
6. Со оглед на тоа што ја следите дигиталната трансформација одблиску – кои технологии, платформи или алатки сметате дека ќе имаат најголемо влијание врз комуникацијата во банкарството во наредниот период?
Дигиталната трансформација не е веќе прашање на тоа дали е реалност, туку на тоа како брзо и во кој правец ќе е развива. Во банкарскиот сектор, комуникацијата станува сè поперсонализирана, контекстуална и интерактивна, а технологиите што го овозможуваат тоа играат клучна улога.
Веруваме дека во наредниот период, најголемо влијание врз комуникацијата во банкарството ќе имаат неколку клучни алатки и платформи.
Првата секако е ВИ генеративна вештачка интелигенција бидејќи веќе гледаме како вештачката интелигенција го трансформира корисничкото искуство преку chat ботови, автоматизирани препораки и персонализирани пораки. Но, тука е веќе и употребата на AI за креирање на адаптивни содржини и целосно динамични патувања на клиентите.
Важни ќе бидат и омниканалните комуникациски платформи кои создавааат интегрирано искуство за клиентите. Денес корисниците не бараат само квалитетни производи или услуги, тие очекуваат целокупното искуство со брендот да биде едноставно, непречено и пријатно. Затоа, инвестициите во алатки што овозможуваат непречена, доследна и персонализирана комуникација на сите канали ќе бидат пресудни.
Интерактивните визуелни содржини, од кратки видеа до анимирани инфографики и story-формати се исто така нужни. Банкарските пораки, кои традиционално беа текстуални и комплексни, ќе мора да се адаптираат на визуелен и мобилно-ориентиран јазик што е лесно разбирлив и привлечен, особено за Gen Z и милениумците.
На крајот, и покрај сите алатки и технологии, сметаме дека најголемото влијание ќе го имаат луѓето зад комуникацијата и нивната способност да ја искористат технологијата за да создадат пораки што се човечки, искрени и поврзувачки. Нашата улога како маркетинг тим е токму во тоа да ги користиме дигиталните можности без да ја изгубиме човечката димензија на комуникацијата.
