Месец: м.г

Во време кога стартап културата често значи трка по инвестиции, Никола Соколов од Influencers.club на фестивалот „Socialize 2025“ понуди целосно поинаква перспектива. Како да се изгради глобален бренд без да се земе ни цент од инвеститори? Неговиот пристап? Храброст, фокус и добро темпирани „облози“ со минимални ресурси.

Од ништо, до нешто скалабилно

Соколов откри дека првите приходи доаѓале дури пред да постои производот, со cold outreach и предпродажба на пристап до податоци што уште не биле креирани. Клиентите добивале Google Sheets, а тимот преку ноќ ја градеше технологијата. Секој долар беше инвестиција во следниот чекор, а секој чекор, внимателно избрана стратегија.

Од податоци до економија на креатори на содржина

Следната етапа била ориентација кон инфлуенсер маркетинг индустријата. Со повисоки цени, фокус на креатори и lead generation преку бесплатни алатки, Influencers.club се позиционираше како играч што нуди вредност преку податоци и персонализирани извештаи. Важна алка во успехот: градење кредибилитет преку LinkedIn и директна комуникација со пазарот.

Од услуга кон платформа

Третата „облога“ била трансформацијата во агенциски модел, но сегашната визија оди подалеку: SaaS платформа за откривање инфлуенсери, со автоматизирано пребарување, API решенија и интеграции со маркетинг екосистемот. „Изградивме нешто што скалира без да го загуби карактерот,“ рече Соколов.

Кога секоја инвестиција е твоја лична

На сцената на Socialize 2025, Соколов им покажа на маркетинг професионалците дека нема потреба од милиони за да се изгради нешто големо, потребни се визија, дисциплина и спремност да се оди all-in. И, се разбира, малку смелост да се направи првиот чекор… дури и ако имаш само Google Sheet.

Кога ќе се спомне „Buy Now, Pay Later“ (BNPL), повеќето помислуваат на банкарски модел. Но презентацијата на Каидо Кук, раководител на одделот за кредити за дилери во Иуте Естонија, на фестивалот за дигитална креативност и технологии „Socialize 2025“ го истакна вистинското значење на BNPL како многу повеќе од финансиска услуга. Тоа е клучна алатка за раст, маркетинг акцелератор и генератор на лојалност, која веќе не е само иновација, туку важен бизнис мотор што го менува дигиталниот шопинг во Југоисточна Европа, вклучително и во Македонија.

Раст што не може да се игнорира

Глобалниот пазар на BNPL услуги порасна за 380% во последните четири години и се очекува да достигне 576 милијарди долари до 2025 година. Во Македонија, Иуте забележа импресивен пораст од 291% за само една година. Конкретните резултати што ги истакна Кук се импресивни: просечната вредност на кошничката е четирипати повисока во однос на плаќање при достава, продажбите се зголемени за 30%, а бројот на неодлучни купувачи и повратници се намалува, јасен сигнал за секој е-ком бренд.

Ново купувачко искуство

Иуте не нуди само финансиски производ, туку целосно ново купувачко искуство преку MyIute апликацијата, со автоматизирана кредитна одлука, безхартиено потпишување и инстант одобрување. BNPL станува брз, достапен и доверлив начин на плаќање, лесно интегриран во физички продавници и популарни е-ком платформи како WooCommerce, PrestaShop и OpenCart. Со ова, секој бизнис може да ја искористи предноста на оваа моќна алатка.

Од нов корисник до лојален купувач

Она што го прави Иуте посебен партнер е не само технологијата, туку и богатата комуникациска мрежа со над 110.000 SMS и Viber пораки, 73.000 е-пораки и 40.000 активни корисници на MyIute. Кампањи како „Iute e-Shopping Week“ дополнително ги претвораат новите корисници во лојални купувачи, покажувајќи дека BNPL е многу повеќе од начин на плаќање, тоа е нов канал за продажба, сегашноста која веќе продава.