Автор: Ivana Popov

Со повеќе од 400 учесници, инспиративни говорници, динамични работилници и доделување на првите Socialize Awards, фестивалот постави нови стандарди во дигиталната индустрија.

Вчера, во хотелот Александар Палас, се одржа првото издание на фестивалот за дигитална креативност и технологии „Socialize 2025“, кој ги собра највлијателните експерти од македонската и регионалната сцена на дигиталниот маркетинг, технологиите и креативната индустрија. Фестивалот, кој пулсираше со креативна енергија, иновации и инспиративни идеи, го посетија над 400 учесници, меѓу кои маркетинг професионалци, технолошки експерти, претприемачи, инфлуенсери, контент креатори, студенти и ентузијасти од различни сфери на дигиталниот и технолошкиот свет.

Со темата „Локални ѕвезди со глобални успеси“, конференцискиот дел на фестивалот понуди богата и квалитетна агенда исполнета со инспиративни говори, панел дискусии и ексклузивни презентации за најновите трендови во маркетингот, моќта на LinkedIn, тајните на виралните TikTok видеа, подемот на Creator CEO, контроверзната тема за инфлуенсери наспроти креатори на содржина, револуцијата наречена BNPL (Buy now, pay later), важноста на UX и содржината, примената на вештачката интелигенција, законската регулација на инфлуенсерите и неверојатни приказни за раст и скалирање.

Особено внимание привлече настапот на Јасмин Алиќ, меѓународно признат LinkedIn експерт и копирајтер, чие искуство и совети за дигитален раст беа од огромна вредност за присутните. Тој ја воодушеви публиката со своето предавање „Психологијата зад високо-конвертирачките објави на LinkedIn“, нудејќи длабок увид во стратегиите за изградба на влијание на оваа професионална мрежа.

Во рамките на конференцискиот дел на фестивалот, за прв пат беше презентирана ексклузивна и сеопфатна анализа на дејноста на маркетинг агенциите во Македонија, подготвена од водечката платформа за бизнис интелигенција и финансиска анализа – Бизнис Мрежа. Оваа анализа обезбеди уникатен увид во клучни макроекономски показатели, сегментација на агенциите, нивниот економски придонес и одржливоста на стартапите во оваа индустрија.

Преку интерактивни работилници организирани во експо зоната на фестивалот, учесниците добија директен увид во процесот на креирање видео контент со најпознатите македонски и регионални контент креатори и инфлуенсери, учеа за UX/UI дизајн, мобилни апликации и нови дигитални алатки, а фестивалот се претвори и во центар за вмрежување со посебни speed dating сесии, каде што се создаваа нови партнерства, идеи и можности за работа.

Круна на настанот беше свеченото доделување на првите Socialize Awards – награди кои ги препознаваат и наградуваат најиновативните проекти, креативни кампањи и влијателни дигитални креатори во Македонија. Стручна жири комисија, составена од 17 реномирани експерти од областа на дигиталниот маркетинг и технологиите, ги избра најдобрите во 10 категории, по внимателен избор меѓу повеќе од 80 исклучителни пријави што се истакнаа по својата креативност и иновативност.

Во продолжение се добитниците на наградите Socialize Awards:

• Најдобар UI/UX дизајн: Телеком МК
• Најдобра мобилна апликација: Телеком МК
• Најдобар поткаст: Startup Revolution – СТАРТАП КЛУБ
• Инфлуенсер на годината: Готвиме со Фичо – Филип Поповски
• Дигитален дизајн на годината: Халк EZ – Халкбанк
• Ѕвезда во подем на социјалните медиуми: Сакаш.мк – Гордан Миленковски
• Најдобро кратко маркетинг видео: Fidesmo pay – Халкбанк
• Најкреативна кампања на социјалните медиуми: Start-Up Package – Халкбанк
• Најдобра општествено одговорна кампања: Крени глас против врсничко насилство – New Moment New Ideas Company
• Регионален дигитален микс: Имлек Протеин – Млекара АД Битола

Посебен момент на вечерта беше доделувањето на наградата за дигитална хуманост, признание кое не се доделува врз основа на конкуренција, туку според вредности, влијание и човечност. Со стоечки овации, публиката ја поздрави платформата #SupportKocani, која во најтешките мигови ја мобилизираше дигиталната заедница, инспирираше акција и покажа дека дигиталниот свет може да биде извор на вистинска солидарност.

„Со одржувањето на Socialize 2025 ја покажавме силата и потенцијалот на македонската дигитална сцена. Горди сме што фестивалот стана важна платформа за поврзување, инспирација и признание на најдобрите во индустријата. Големиот одѕив ни покажува дека интересот за дигитални иновации и креативност е на високо ниво. Во иднина, продолжуваме да ја инспирираме, едуцираме и поврзуваме дигиталната заедница, придонесувајќи кон понатамошниот раст и развој на индустријата, како во земјата, така и во регионот.“, истакнаа организаторите на фестивалот.

Со ветување дека следната година ќе биде уште поголем и повозбудлив, фестивалот за дигитална креативност и технологии „Socialize“ го зацврсти своето место како клучен настан за дигиталната иднина на Македонија и регионот.

Сите информации за фестивалот Socialize 2025 може да се погледнат на официјалната веб страница socialize.mk.

Во бизнис опкружувањето, „Купи сега, плати подоцна – Buy now, pay later“ (BNPL) моделот станува сè повеќе популарен како начин за поттикнување на бизнис продажбите, финансиска флексибилност и уникатно потрошувачко искуство по светски терк.  Кај нас, Иуте Македонија го воведе ова решение пред 3 години и во моментов соработува со повеќе од 650 партнери, 1000 продажни места и 100 е-продавници.

Игор Трпковски, Комерцијален директор на Иуте, објаснува повеќе на темата како BNPL станува катализатор на бизнис промени и трансформација.

BNPL станува сѐ поприсутен на глобално и локално ниво. Како го доживувате неговото влијание врз дигиталната трансформација на пазарот?

Игор Трпковски: Нашето искуство со BNPL покажува дека не станува збор само за флексибилен иновативен финансиски модел, туку вистински катализатор за дигитална и бизнис трансформација. Преку нашата мобилна апликација MyIute, која користи машинско учење и вештачка интелигенција, клиентите можат целосно дигитално да купуваат и плаќаат на рати, брзо, безбедно и транспарентно. За трговците, ова значи нов канал за дополнителна продажба, проширување на клиентската база и зголемени приходи – сето тоа без дополнителен ризик и со лесна и едноставна интеграција без дополнителни трошоци. Исплатите се вршат истиот ден и нивната ликвидност никогаш не доаѓа во прашање.

Какви се конкретните резултати кои ги забележавте кај партнерите што го имаат интегрирано BNPL моделот?

Игор Трпковски: Во изминатата година, нашата партнерска мрежа порасна за 53%, а бројот на ново-интегрирани е-продавници за 40%. Истовремено, базата на активни корисници порасна за повеќе од 25%. На пример, нашиот онлајн партнер и еден од најбрзорастечките маркетплејси Супермарт реализираше 40% од вкупната продажба преку нашиот BNPL канал. Ова се силни показатели за ефектот што го има BNPL врз растот и позиционирањето на компаниите во дигиталната економија.

Освен финансискиот аспект кој не вклучува никаков трошок и едноставната ингеграција, што е клучно за успешно имплементирање на BNPL во еден бизнис?

Игор Трпковски: Клучно е партнерството да не заврши со техничката интеграција. Ние нудиме целосна поддршка – од иницијалните консултации и API скрипти за платформите како WordPress, Presta Shop и OpenCart, до заеднички маркетинг активности.

Исто така, партнерите освен што добиваат комплетна поддршка за време на целиот процес на интеграција, добиваат и вклучување во заеднички маркетинг активности со цел соодветна промоција, како и континуирана техничка и партнерска поддршка. Нашата цел е постигнување на долгорочен ефект и резултати.

Какво е значењето на партнерската корисничка поддршка во контекст на BNPL?

Игор Трпковски: Со потпишување на договорот, партнерите добиваат целосна обука. Покрај тоа што целата постапка е дигитална, на располагање е live status платформа на која во исто време работиме ние, а партнерите го следат статусот, пришто активен е и chat box со 24/7 поддршка за партнерската мрежа и нивните вработени.

Освен дигиталниот процес, достапност и напредни алатки, на располагање имаме мрежа од теренски координатори на партнерската мрежа, кои се распределени низ цела држава и достапни за партнерите за време на целото работно време.

Несомнено е дека денес, клиентите, односно потрошувачите бараат брзи, јасни и достапни одговори. Нашата цел е заеднички со партнерите да им овозможиме целосна достапност, транспарентност и врвно корисничко искуство, токму она што е потребно за креирање на релации од доверба и лојалност.

Колку е важна креативноста и дигиталната присутност во денешното работење и како Иуте го негува тој пристап?

Игор Трпковски: Во Иуте сме посветени на градење култура на креативност, каде што се охрабрува секој тим да размислува „надвор од шаблонот“ и да ги следи глобалните трендови. Веруваме дека дигиталната присутност денес не е опција, туку основа за кредибилитет, раст и доверба. Токму затоа постојано инвестираме во дигитални алатки и нови персонализирани решенија кои го подобруваат корисничкото искуство.

Што би им препорачале на компаниите кои сѐ уште не го имаат интегрирано BNPL моделот?

Игор Трпковски: Нашата препорака е – направете го првиот чекор. Процесот е брз, едноставен и безбеден. Нашиот тим е тука за целосна техничка и бизнис поддршка, од иницијална евалуација до имплементација и заедничка промоција. Во време кога BNPL пазарот во Европа надмина 220 милијарди долари, а бројот на корисници глобално се движи кон 900 милиони до 2027, прашањето е само кога, а секако – колку побрзо, толку подобро за вашиот бизнис.

Бизнисите кои се иновативни и сакаат да растат на долг рок, веќе ја препознаа оваа алатка како одлична можност за бизнис експанзија и пазарен раст, нудејќи им на своите корисници уникатно и иновативно потрошувачко искуство.

Доколку сте дел од тим кој создава исклучителни дигитални искуства или имате проект, апликација, поткаст или кампања што направила „бум“ оваа година, време е да блеснете!

 Пријавете се за наградите што ги слават најдобрите во дигиталната и креативната индустрија!

🗓️ Нов рок за аплицирање: 15 АПРИЛ 2025

По голем интерес и барање од страна на компании и агенции, рокот за аплицирање е продолжен до 15.04.2025, па затоа не ја пропуштајте шансата да го пријавите вашиот проект!

Категории во кои можете да се пријавите:

✨ Најдобар UI/UX дизајн

Дизајн што не само што изгледа одлично, туку и функционира совршено? Покажете како ја спојувате естетиката и функционалноста за беспрекорно корисничко искуство.

📱 Најдобра мобилна апликација

Вашата апликација е иновативна, практична и обожавана од корисниците? Време е да го признаеме вашиот труд, дизајн и функционалност.

🎙️ Најдобар поткаст

Квалитетна продукција, интересни гости, уникатна приказна? Пријавете го поткастот што создава аудио искуство што се памети.

👑 Инфлуенсер на годината

Дали оваа година беше ваша? Покажете како вашата креативност, влијание и ангажман ја обликуваа дигиталната сцена.

🖥️ Дигитален дизајн на годината

Имате проект со дизајн кој ги спојува иновативноста, убавината и функционалноста? Пријавете го и добијте го признанието што го заслужувате.

🎬 Најдобро кратко маркетинг видео

Кратко, но моќно видео кое ја пренесе пораката со максимален ефект? Пријавете го и споделете го успехот.

🌟 Ѕвезда во подем на социјалните медиуми

Сте се пробиле на социјалните мрежи со брзина на светлина? Покажете зошто токму вас ве следат сите!

💡 Најкреативна кампања на социјалните медиуми

Вашата кампања поместуваше граници? Споделете ги вашите иновативни идеи и постигнати резултати.

🌍 Најдобра општествено одговорна кампања

Создадовте кампања што направи реална разлика во општеството? Пријавете ја вашата влијателна и инспиративна приказна.

🌐 Регионален дигитален микс

Успеавте да комуницирате со публика низ целиот регион преку различни дигитални канали? Споделете како паметно таргетиравте и комбиниравте канали за максимален ефект.

📩 Кој може да се пријави?

✔️ Индивидуалци
✔️ Агенции
✔️ Фриленсери
✔️ Компании
✔️ Стартапи
✔️ Инфлуенсери и контент креатори

⏰ Имате време до 15 април!

Покажете што сте создавале, што ве прави различни, и зошто заслужувате да бидете на врвот на дигиталната сцена.

Пријавувањето е отворено! АПЛИЦИРАЈТЕ ТУКА и можеби токму вие ќе бидете следната голема дигитална приказна!

Флексибилниот модел на плаќање „Купи сега, плати подоцна-Buy now pat later“ кој Иуте Македонија пионерски го воведе на пазарот, веќе одамна е тренд кај потрошувачите.

Во целиот процес се имплементирани машинско учење и вештачка интелигенција, а моделот е веќе интегриран кај повеќе од 650 партнери-трговци, над 850 продажни места и 100 е-продавници.

Станува збор за многу поефикасна и покомфорна алтернатива на кредитните картички, каде што производот или услугата можат да се купат со едноставно скенирање и флексибилна распределба на месечните рати и износи, онака како што на купувачот му одговара, пришто постои опција за одложување на првата рата. Производот или услугата се земаат веднаш, а со плаќање се започнува од следниот месец.

Целиот процес е целосно дигитален и достапен преку апликацијата Myiute, каде што на едно место може да се аплицира, да се направи потврда на идентитетот и дигитално да се потпише договорот, додека купувањето во партнерска мрежа е овозможено преку едноставно скенирање на  QR код. 

Целиот процес на идентификација и верификација е брз и безбеден, преку интегрирана регистрирана безбедносна шема во партнерство со Евротраст.

Моделот “Купи сега, плати подоцна” е одличен избор за секој паметен купувач.

“Се повеќе корисници и наши потрошувачи го бираат овој модел како алатка која значително им го олеснува потрошувачкото искуство, а од друга страна е целосно безбедна и овозможува планирање на буџетот по сопствена мерка. На пример, Iute Smart 0% е начин на плаќање за кој купувачот нема никаков трошок. Доколку тој се одлучи  за производ кој чини 4.000 МКД на 4 рати, тогаш враќа 4×1.000 МКД. Првата рата е еден месец по одобрувњето.  Доколку пак сака да отплаќа на подолг период со ниска месечна провизија и отплата до 36 рати, изборот е Iute Flexi.” -велат од Иуте.

Финтек компаниите веќе не се насочуваат кон неопслужени клиенти, туку кон оние кои бараат подобро корисничко искуство од традиционалните банки, кои сè уште имаат долги и сложени процеси, особено за подигнување кредити.

Прочитајте повеќе како функционира овој модел на нашиот пазар.

Socialize 2025: Првиот фестивал за дигитална креативност и технологии, кој ќе ги собере водечките експерти од Македонија и регионот

За прв пат во Македонија, на 24 април во хотелот Александар Палас, ќе се одржи Фестивал на дигитална креативност и технологии „Socialize 2025“, кој ќе ги собере највлијателните експерти од Македонија и регионот во областа на социјалните медиуми, дигиталниот маркетинг и технологиите.

„Socialize 2025“ е еднодневен фестивал кој има за цел да ја врати возбудата за креативните, дигиталните и технолошките индустрии кај компаниите, институциите и дигиталните агенции, да ја инспирира домашната креативна индустрија да создава нови оригинални идеи, да поттикне технолошки напредок, да ги доедуцира маркетерите кои сакаат да ги усовршат најновите техники и стратегии за постигнување на подобри резултати во дигиталниот маркетинг, да ги мотивира бизнисите да продолжат со раст и развој, и да овозможи вмрежување на сите учесници на забавен и креативен начин.

Во рамките на фестивалот ќе се одржи конференција на тема „Локални ѕвезди со глобални успеси“, која ќе понуди разновидна и високо квалитетна агенда. Преку инспиративни говори на истакнати маркетинг експерти и панел дискусии со влијателни професионалци од повеќе различни индустрии во Македонија, ќе се разгледуваат новите трендови и стратегии во дигиталниот маркетинг и технологиите. Во посебни сесии, ќе бидат презентирани успешни приказни на познати контент креатори, инфлуенсери, претприемачи, дигитални специјалисти и технолошки експерти, кои со своите оригинални креативни идеи и бизнис потфати станале вирални и постигнале глобален успех.

На фестивалот, особено значајно е учеството на Јасмин Алиќ, светски признат експерт за раст на LinkedIn и исклучителен копирајтер. Неговото искуство со најголемите светски брендови, како и неговото влијание на повеќе од 300.000 следбеници на LinkedIn, ќе донесе уникатни стратегии за успех, кои ќе им покажат на учесниците како оваа платформа може да го трансформира нивниот бизнис и кариера.

„Горди сме што можеме да објавиме учество на Јасмин Алиќ, еден од највлијателните експерти во дигиталниот свет, кој ќе биде дел од првото издание на фестивалот „Socialize 2025“. Јасмин е светски познат копирајтер и експерт за брендирање во Fortune 500 компании, а три години по ред е рангиран како број еден експерт за раст на LinkedIn, со над 300.000 следбеници. Неговото учество ќе донесе уникатни и вредни стратегии за успех на сите учесници.“ – велат организаторите. 

На конференцијата, за прв пат ќе биде презентирана ексклузивна и сеопфатна анализа на маркетинг индустријата во Македонија, подготвена од водечката платформа за деловна интелигенција и финансиски анализи, „БизнисМрежа.мк“. Анализата ќе ги опфати клучните макроекономски показатели, сегментацијата на агенциите, економскиот придонес преку даноци и давачки, како и одржливоста на стартапите во маркетинг индустријата. 

Во забавните зони на фестивалот, ќе биде организирано вмрежување во форматот на speed dating, каде што учесниците ќе имаат можност за брзи, но значајни разговори, кои можат да доведат до нови можности за работа или соработка во креативната индустрија. Ќе бидат организирани и работилници со инфлуенсери, дигитални експерти и креативци, наменети за сите оние кои сакаат да научат креирање на содржини директно од најдобрите и најуспешните македонски експерти. 

Фестивалот ќе заврши со свечена церемонија за доделување на наградите „Socialize Awards“ за најдобрите проекти, кампањи и контент креатори во Македонија, во повеќе категории.  

„Socialize Awards“ се професионални награди кои им оддаваат признание на македонските компании, институции, агенции и контент креатори за најквалитетни и најпрофесионални индивидуални и интегрирани кампањи и проекти кои постигнале врвни деловни резултати и препознатливост на брендот во текот на изминатата година. Целта на Socialize Awards е да ги поттикне и мотивира македонските експерти за дигитални производи и технолошки решенија, социјални медиуми и дигитален маркетинг, како и да ја истакне нивната способност, талент и креативност пред стручната јавност, а истовремено и да придонесе за подобрување и развој на овие иновативни професии во Македонија. 

Почнувајќи од оваа година, сите заинтересирани компании, агенции, фриленсери и контент креатори од Македонија ќе можат да се пријават за наградите Socialize Awards, кои во периодот од 1.4.2024 година до 1.4.2025 година успешно ги реализирале своите проекти и кампањи на македонскиот пазар. Номинациите се отворени до 10 април 2025 година и се целосно бесплатни. 

Повеќе информации за фестивалот Socialize 2025 може да се најдат на страницата socialize.mk.